SuiGas.com.pk

Sui Gas Bill Online Check Karne Ka Tarika (2026 Guide)

S.G. Bill TeamUpdated: Feb 22, 2026
Sui Gas Bill Kaise Check Kare

Agar aap ka Sui Gas ka bill ghar nahi pohncha, ya aap apna duplicate bill apne mobile par download karna chahte hain, toh is article mein hum aapko Sui Gas bill online check karne ka tarika tafseel se batayenge.

1. SNGPL ya SSGC – Aapki Company Kaunsi Hai?

Bill check karne se pehle, aapko pata hona chahiye ke aapki gas provider company kaunsi hai:

  • SNGPL (Sui Northern): Agar aap Punjab, KPK ya Azad Kashmir (Lahore, Islamabad, Peshawar, Faisalabad) ke rihaishi hain.
  • SSGC (Sui Southern): Agar aap Sindh ya Balochistan (Karachi, Hyderabad, Quetta) ke rihaishi hain.

2. Bill Check Karne Ka Asaan Tarika

Duplicate bill check karne ke liye aapko sirf apnea Consumer Number chahiye. Yeh number aapke kisi bhi purane Sui Gas bill ke bilkul ooper likha hota hai.

Where to find Consumer Number / Account ID?

Aapka 11-digit Consumer Number (jise ab Account ID bhi kaha jata hai) bill par in jagahon par likha hota hai:

  • Sab se Ooper (Top Right): Bill ke bilkul ooper dayen taraf ek alag dabbe (box) mein "Account ID" print hota hai.
  • Neeche Bayen Taraf (Bottom Left): Jahan bill ki tafseelaat khatam hoti hain, wahan bhi Account ID likha hota hai.
  • Payable Amount ke Sath (Bottom Right): Sab se neeche jahan total bill amount likhi hoti hai, uske bilkul sath bhi yeh 11-digit number maujood hota hai.
  1. Koi bhi purana gas bill lein.
  2. SNGPL walon ke liye 11-digit Consumer Number hota hai.
  3. SSGC walon ke liye 10-digit Customer Number hota hai.
  4. Neeche diye gaye box mein yeh number likhein.
  5. "Check Bill" ke button par click karein. Aapka naya bill screen par show ho jayega.

Apna Bill Yahan Check Karein 👇

📍Punjab, KPK & Azad Kashmir
(Lahore, Islamabad, Peshawar, Multan, etc.)

Pro Tip:

Har maheene ka bill automatically apne mobile par mangwane ke liye Free SMS aur Email Alerts Service par register karein.

3. Purana Sui Gas Bill Nikalna

Aksar log poochte hain ke purana sui gas bill nikalna kaise mumkin hai? Tareeqa bilkul same hai. Jab aap ooper diye gaye checker mein apna number type karenge, toh SNGPL/SSGC ka system aapko aakhri (latest) generate hone wala bill dikha dega. Agar aapne pichle maheene ka bill miss kardia tha, toh woh unpaid details ke sath screen par aajayega.

Payment ke baare mein mazeed jaan-ne ke liye aap hamara Online Bill Payment Tarika parh sakte hain.

4. Sui Gas Bill Slabs aur Rates (2026)

Pakistani hukoomat ne gas consumers ko do hisson mein taqseem kiya hai aur inka rate mukhtalif hai:

  • Protected Consumers: Woh saarfeen jo sardiyon (November se February) ke chaar maheenon mein lagataar 0.9 hm³ (ya 90 units) se kam gas istemaal karte hain. In ke bill bohat kam aate hain kyonke unit rate sasta hota hai aur in par fixed charges (meter rent) bhi bohat kam laagu hote hain.
  • Non-Protected Consumers: Agar aap ne un chaar maheenon mein se kisi aik maheene mein bhi 0.9 hm³ se thori si bhi ziyada gas zaya kar di, toh aap saal bhar ke liye Non-Protected list mein chale jayenge. Inka unit rate mehnga hota hai aur in par fixed charges (Rs. 1000 se Rs. 3000 tak har maheene) laagu hote hain.

5. Late Payment Surcharge (Jurmana)

Jo saarfeen apna Sui Gas bill aakhri tareekh (due date) ke baad jama karwate hain, un par jurmana (late payment surcharge) lagaya jata hai. Yeh jurmana aam taur par aap ke total bill ka 10% hota hai.

Yani agar aap ka bill Rs. 3000 hai aur aap ne due date miss kardi hai, toh next maheene ke bill mein aapko Rs. 300 izafi (extra) jama karwanay honge. Isliye hamesha waqt par Mobile banking se apni qist ada karein.

6. Sui Gas Bill Installments (Qistain Kaise Banwayen?)

Agar aap ka gas ka bill ek dum se bohat zyada agya hai (khaskar sardiyon mein) aur aap aik sath poori raqam jama nahi karwa sakte, toh SNGPL aur SSGC dono companies bill ko qiston (installments) mein convert karne ki sahulat deti hain.

  1. Aapko sab se nazdeeki SNGPL ya SSGC customer service center (complaint office) jana hoga.
  2. Apni ID card (CNIC) ki original copy aur apna asal gas bill sath le kar jayen.
  3. Wahan staff ko installment ki darkhwast (application) dein. Aam taur par woh bill ki total raqam ka nisf (half) jama karwanay ka kahenge aur baqiya aadhi raqam ko agle 2 ya 3 maheenon ke bills mein barabar taqseem kardenge.

Sawaal aur Jawaab (FAQs)

Purana sui gas bill nikalna kaise mumkin hai?

Agar aap purana bill nikalna chahte hain, toh purane bill par likha 11-digit ya 10-digit consumer number is website par enter karein. Aap ka naya aur pichla record show ho jayega.

Sui gas bill aur WAPDA bill mein kya farq hai?

WAPDA bijli (electricity) ka bill deta hai, jabke SNGPL aur SSGC Sui Gas (natural gas) ka bill dete hain. Aksar log internet par "sui gas online bill check wapda" likh kar search karte hain jo ke ghalat hai. Un dono ki websites mukhtalif hain.

Bina consumer number ke sui gas bill kaise check kare?

Filhaal Name ya CNIC se gas bill check karne ka option available nahi hai. Aap ko bill check karne ke liye Consumer Number (SNGPL) ya Customer Number (SSGC) laazmi chahiye, jo kisi bhi purane bill par maujood hota hai.